Новости проекта
Система перешла на новый 2018/2019 учебный год
Конкурс продлен! Принимайте участие!
Большая конференция "Родительское собрание"
Голосование
Ваше отношение к введение сервиса "Электронный дневник учащегося"?
Всего 294 человека
Голосование
ПОТРЕБНОСТЬ В ОКАЗАНИИ ПЛАТНЫХ УСЛУГ
Всего 396 человек
Голосование
Считаете ли вы целесообразным введение платного сервиса "Электронный дневник учащегося"?
Всего 560 человек
Голосование
Нужна ли школьная форма?
Всего 584 человека
Голосование
Как Вам новый сайт?
Всего 943 человека

Паэтычны куток "На Нёманскай хвалі"

Дата: 29 января 2013 в 20:03, Обновлено 11 апреля 2016 в 15:00

Паэтычны куток

Кіраўніком паэтычнага гуртка з'яўляецца Целеш Анастасія Андрэеўна

 

Адной з прыярытэтных задач  у патрыятычна- грамадзянскім выхаванні асобы з`яўляецца далучэнне вучня да  набыткаў айчыннай мастацкай культуры, у тым ліку мастацкай культуры рэгіёна ,як духоўнага скарбу, здольнага фарміраваць эстэтычны густ, пачуццё павагі і пашаны да роднага слова, развіваць вучня як творчую асобу.

З гэтай мэтай ва ўстанове  “Сярэдняя школа №3 імя В.М. Усава г. Гродна” быў створаны паэтычны куток “На Нёманскай хвалі”, урачыстае адкрыццё якога адбылося  падчас святкавання Міжнароднага Дня паэзіі 21 сакавіка 2012 года з удзелам прадстаўнікоў шырокай грамадскасці: паэтаў і пісьменнікаў, членаў Гродзенскага абласнога аддзялення СП Беларусі, кіраўнікоў упраўлення адукацыі Гродзенскага аблвыканкама, кіраўнікоў аддзела адукацыі адміністрацыі Кастрычніцкага раёна г. Гродна, кіраўнікоў школьных музеяў і музейных пакояў, школьнікаў і педагагічных работнікаў устаноў адукацыі, выпускнікоў школы, бацькоў  вучняў.

Экспазіцыя паэтычнага кутка ўяўляе сабой 3 стэнды, арганічна звязаныя паміж сабой. Першы стэнд– экскурс у недалёкае мінулае, прысвечаны гісторыі літаратурнай Гродзеншчыны. Тут прадстаўлены звесткі з жыцця і творчасці знакамітых мастакоў слова, ураджэнцаў Гродзеншчыны: А. Міцкевіча, Э. Ажэшкі, Цёткі, М. Васілька, А. Карпюка, В. Быкава.

Асноўная частка экспазіцыі – матэрыялы, прысвечаныя кожнаму з 36 пісьменнікаў, членаў Гродзенскага абласнога аддзялення СПБ, які ўзначальвае беларуская паэтэса Кебіч Л.А.

Завяршальная частка экспазіцыі – матэрыялы літаратурнай творчасці вучняў школы, членаў гуртка літаратурна – мастацкай творчасці “Першацвет” (кіраўнік Целеш Анастасія Андрэеўна) і паэтычнага гуртка “Таямніцы паэзіі” (кіраўнік Чычкан Ія Станіславаўна). Ініцыятыва стварэння кутка “На нёманскай хвалі” належыць Гродзенскаму аддзяленню СПБ, педагогам і выпускнікам школы 2012 года. На сучасны момант дзейнасць паэтычнага кутка  арганізуе настаўнік  вышэйшай катэгорыі Целеш А.А якая з`яўляецца і кіраўніком гуртка літаратурна- мастацкай творчасці “Першацвет”.

За параўнальна невялікі перыяд сваёй дзейнасці ў сценах паэтычнага кутка  прайшлі яркія і запамінальныя сустрэчы з мастакамі слова Гродзеншчыны і пісьменнікамі Беларусі ў рамках рэспубліканскіх мерапрыемстваў і творчых сустрэч, прысвечаных Году кнігі. Паэтычны куток стаў асяродкам культурнага жыцця школы і мікрараёна, месцам далучэння вучняў да культурнай спадчыны Гродзеншчыны, своеасаблівым цэнтрам развіцця асобы вучня як творцы, здольнага выражаць сваё светаадчуванне праз паэзію.Творчыя сустрэчы вучняў СШ №3 і ўстаноў адукацыі мікрараёна адбыліся падчас правядзення святаў мікрараёна, прысвечаных Дню Перамогі, Дню ведаў, а таксама літаратурныя імпрэзы і творчыя сустрэчы, прысвечаныя Дню паэзіі і іншым каляндарным датам культурна- асветніцкага характару.

З задавальненнем наведваюць паэтычны куток выпускнікі школы, якія,  дарэчы,  з`яўляюцца аўтарамі  многіх вершаў, што знайшлі сваё адлюстраванне ў матэрыялах кутка.

Па рознаму склаўся іх жыццёвы лёс, але адчуванне беларускага слова, сваё светабачанне праз паэтычнае слова яны адчулі менавіта ў сценах роднай школы.

17 мая 2012 года гасцямі паэтычнага клуба сталі пісьменнікі і паэты Мінска і Мінскай вобласці, такія як М. Маляўка, В. Чудаў, К. Хадасевіч- Лісавая і іншая, якія адзначылі прафесійнае стаўленне  педкалектыва да справы выхавання моладзіпраз далучэнне іх да літаратурна- мастацкай творчасці.

Напярэдадні Дня настаўніка 4 кастрычніка 2012 года гасцямі кутка былі беларускія паэты, такія, як А.Дранько- Майсюк, Э. Акулін, А. Петрушкевіч.

А ў пачатку чэрвеня 2013 года  паэтычны клуб “На нёманскай хвалі” наведалі педагогі і музычныя дзеячы г. Элка, што знаходзіцца ў памежнай Польшчы. Яны з задавальненнем паслухалі экскурсаводаў паэтычнага кутка, агледзелі экспазіцыю і пакінулі запіс у кнізе водгукаў і пажаданняў гасцей і наведвальнікаў паэтычнага кутка. Творчыя сустрэчы наладжваюцца і з  прадстаўнікамі навуковага асяродззя. З мэтай падтрымкі цесных сувязей з Гродзенскім дзяржаўным універсітэтам паэтычны клуб прымаў у якасці гасцей вучоных абласной ВНУ: Жука І. В., доктара філалагічных навук, прафесара, Якалцэвіч М.А. дацэнта, кандыдата філалагічных навук і старшага выкладчыка кафедры беларускай літарутуры Тарасаву С.М.

Прымае гасцей куток і ў час летніх канікул. Імі становяцца выхаванцы дзіцячых аздараўленчых лагераў, якія дзейнічаюць на базе школ Кастрычніцкага раёна. Вядома ж, паэтамі не нараджаюцца ― імі становяцца, бо натхненне заўсёды нараджае творчасць. А ў кожным дзіцяці сам творца запальвае іскрынку таленту. Задача настаўніка – адчуць (можа, падсвядома, сэрцам), убачыць вокам чалавека,умудронага і сталага,гэтае маленькае цяпельца творчасці, не даць яму патухнуць. А калі яно разгарыцца вогнішчам, - гэта ўжо удача і сапраўдная перамога.

Ёсць спадзяванне, што, далучаючыся да здабыткаў мастацкай творчасці пісьменнікаў роднага краю, многія з наведвальнікаў паэтычнага кутка стануць зоркамі на паэтычным небасхіле ці проста па- новаму  адчуюць прыгажосць гучання роднага слова, здольнага абудзіць самыя высокія пачуцці.

Маленькія перамогі юных паэтаў ёсць ужо і на сённяшні дзень: многія з іх з`яўляюцца дыпламантамі конкурсаў розных узроўняў. Ёсць і планы на будучыню: паэтычныя сустрэчы, чытанні, гасцёўні  

Вашай увазе прапануецца першая спроба пяра нашых гурткоўцаў.

 

 

Дзікевіч Віталій   (11-ы "А" клас)

Паэту

 

Мне сняцца сны аб Беларусі…

Я. Купала.

Пагляд яго ласкавы, шчыры, строгі―

Ад маці ўсе рысачкі пабраў,

А талент быў падараваны Богам,

Каб спадчынай ён родны кут назваў.

 

Кветка - папараць, пэўна, на творчасць натхняла,

З верай у шчасную долю каб жыў,

Хоць горкае крыўды паслаў лёс нямала,

Ды матчыным словам ён людзям служыў.

 

І няслося над светам паэтава слова,

Як крыніца, што ласкаю поіць лугі,

Абудзіць родны край было слова гатова,

Скінуць путы насілля, парваць ланцугі.

 

Песню- звон, песню – кліч да святла і свабоды

Бясстрашна жалейка спявае,

Песню аб мужным і слаўным народзе,

Што сцежку дабра ў цьме шукае.

 

Любоў  сілу і гарт ў душы нараджала,

Каб і ў снах Беларусь так, як маці, жыла,

Ад нявер`я і злобы людской ратавала,

Гэткай знічкай маленькай у цемры была.

 

Так з любоўю да спадчыны, маці – старонкі

Паэт жыў, развіваючы Божы свой дар,

Слухаў спевы лясоў і дуброваў звонкіх,

Слухаў голас зямлі яе сын- уладар.

 

Ды прыйшоў на зямлю час смяротнай навалы

І ўзняў над палеткамі дым.

Біцца сэрца  паэта, на жаль, перастала,

Адышоў у разлуцы з кутком дарагім.

 

Адышоў, але светач паэзіі сталай

Асвятляе абрысы нялёгкіх шляхоў.

Слова – зерне, што ў сэрцы яго выспявала,

Прарасло ў душы маладых юнакоў.

 

Гімн пяю чалавеку, паэту- прароку,

Што са Светам у гармоніі жыў,

Мог прадбачыць, паклікаць, з дарогі не збочыць,

Верай- праўдай народу, Айчыне служыў.

 

А вось так прыгожа і натхнёна піша кіраўнік гуртка.

 

 

Палеская ластаўка

А.А. Целеш

 

Палессе ― край тужлівых журавоў

І легкакрылых ластавак мясцінка

Калыскай стала светлых мар і сноў

Вясковай летуценніцы – дзяўчынкі.

 

Ты ўпершыню пачула тут

Пяшчотныя каханыя словы

Даў крыла моцы бацькаў кут,

А сэрца паланілі гукі  роднай мовы.

 

Прыгожая сімфонія жыцця

Гучала ў радках прачулых вершаў.

Вялікай сілай страсці, пачуцця

Ты не баялася дзяліцца першай.

 

Сцвярджала: “ усё пачынаецца з любві”,

Любоў у сэрцы песні нараджала,

Ды гукі песні той адышлі

Як раптам і самой цябе не стала.

 

Без пачуцця застыла ў жылах кроў

Апошняе “люблю” прамовіць не паспела

У далёкі вырай вечных сноў

Ты ластаўкай палескай адляцела.

 

Пакінўшы свой верш, як крык душы,-

Сумленыя голас і жаданне волю

Хай на Палессі сумны дождж імжыць

І абмывае слёзы страты і болю.

Комментарии:
Оставлять комментарии могут только авторизованные посетители.